जिल्ह्यात आणखी एक "मेगा प्रोजेक्‍ट'

सातारा, ता. २५ - इलेक्‍ट्रॉनिक पार्क, बेस्टचा बायोमास वीजनिर्मिती प्रकल्प, परी ऑटोमेशन सिटी आणि आता भूगर्भातील तेल शोधणारी यंत्रणा विकसित करणारा प्रकल्प... खंडाळा तालुक्‍यात सेझअंतर्गत हा आणखी एक मोठा प्रकल्प येऊ घातला आहे. केसुर्डी येथे २५ हेक्‍टरवर होणाऱ्या या प्रकल्पासाठी दोन कंपन्या ५०० कोटींची गुंतवणूक करणार आहेत. त्यातून सुमारे ८०० जणांना रोजगार उपलब्ध होणार आहे. स्क्‍लंबर इंडिया टेक टॉनटन प्रायव्हेट लिमिटेड आणि वेस्टर्न जेको इंडिया मॅन्युफॅक्‍चरिंग प्रायव्हेट लिमिटेड या दोन कंपन्या प्रत्येकी अडीचशे कोटींची गुंतवणूक या प्रकल्पात करणार आहेत. भूगर्भातील तेल शोधणाऱ्या यंत्रणेचे त्यात उत्पादन होणार आहे. समुद्रात व जमिनीवरून भूगर्भातील तेल शोधणारी यंत्रणा, त्यासाठी लागणारी केबल, सेन्सॉर आदींची निर्मिती येथे होणार आहे. याबाबतच्या प्रस्ताव औद्योगिक विकास महामंडळ (एमआयडीसी) व एमटीडीसी यांच्याकडून मंजूर झाले आहेत. सध्या या प्रकल्प उभारणीचे काम सुरू असून, येत्या वर्षभरात तो पूर्ण होईल. आतापर्यंत खंडाळा तालुक्‍यातील शिरवळ व केसुर्डी येथे इलेक्‍ट्रॉनिक्‍स पार्क, ऑटोमेशन सिटी, तसेच बेस्टचा बायोमासपासून वीजनिर्मिती हे प्रकल्प आलेले आहेत. यामध्ये भूगर्भातील तेल शोधणारी यंत्रणा बनविणाऱ्या या प्रकल्पाची भर पडली आहे. सेझअंतर्गत येणाऱ्या या "मेगा प्रोजेक्‍ट'मुळे खंडाळा तालुक्‍यात मोठ्या प्रमाणात रोजगार उपलब्ध होणार आहे. जिल्ह्याच्या औद्योगिक विकासाला चालना मिळणार आहे. आजपर्यंत जिल्ह्यातून काही उद्योग बाहेर गेल्याने औद्योगिक वसाहतीतील वातावरण दूषित झाले होते. मात्र, आता वातावरण पुन्हा बदलण्यास सुरवात झाली असून, जिल्ह्यातील स्थानिक लघुउद्योजकांच्या आशा पल्लवीत झाल्या आहेत. सेझअंतर्गत मोठी गुंतवणूक केसुर्डी येथे एकूण ३३० हेक्‍टरवर सेझ विकसित होत आहे. १५ मोठे प्रोजेक्‍ट येणार आहेत. यामध्ये परी ऑटोमेशन सिटीचा समावेश असून, त्यात २५८ कोटींची गुंतवणूक होणार आहे. १२०० जणांना रोजगार मिळणार आहे. शिरवळ येथील इलेक्‍ट्रॉनिक पार्कमध्ये ५० कोटींची गुंतवणूक होणार असून, ५०० जणांना रोजगार मिळणार आहे. याशिवाय केंद्राने जिल्ह्यात मेगा फूड पार्कला मंजुरी दिली आहे. लोणंद येथील बायोमास वीजनिर्मिती प्रकल्पात ९० कोटींची गुंतवणूक होणार आहे.

राम- सीतेच्या मूर्तींची फलटणला मिरवणूक

फलटण, ता. २४ - वाद्यांच्या गजरात काल रात्री चांदीच्या प्रभावळीतून निघालेल्या राम- सीतेच्या मूर्तींच्या मिरवणुकीने श्रीराम रथोत्सवाला शहरात सुरवात झाली. वाहने पाहण्यासाठी भाविकांनी गर्दी केली होती.

ता. २८ रोजी रामरथयात्रेचा प्रमुख दिवस आहे. तत्पूर्वी पाच दिवस राम- सीतेच्या मूर्तींची वाजत गाजत मंदिर परिसरात मिरवणूक काढण्याची धार्मिक परंपरा असल्याने काल पहिल्या दिवशी राम- सीतेच्या मूर्तींची मिरवणूक विद्युत रोषणाईने सजविलेल्या प्रभावळीतून काढण्यात आली. रात्री साडेनऊ वाजता राममंदिराच्या गाभाऱ्यामधून निघालेले प्रभावळीचे वाहन वाजतगाजत मंदिराबाहेर आल्यानंतर संपूर्ण प्रदक्षिणा घालून रात्री साडेदहा वाजता राममंदिरात पुन्हा परतले.

राम रथोत्सवानिमित्त गेली २५० वर्षे वाहने काढण्याची प्रथा जपली गेली असून, त्याचे वेगळेपण अद्यापही टिकून आहे. उद्या (मंगळवारी) शेषनाग वाहनातून मूर्तींची मिरवणूक काढली जाणार आहे.

फलटणमध्ये भर बाजारपेठेत तलवारीने वार करुन एकाची हत्या

फलटण- शहरातील बाजारपेठेत बुधवारी (ता. २२) सकाळी ११ च्या सुमारास सुरेश पवार (वय ४९) या खजूर विक्रेत्याचा तलवारीने वार करून खून झाल्याने खळबळ माजली.

या घटनेनंतर शहरातील बाजारपेठ बंद करण्यात आली. नेहमीप्रमाणे सर्व व्यवहार सुरळीत सुरू असताना शहरातील शिवाजी पुतळ्याजवळील हॉटेल अतिथीसमोरील रस्त्यावर हा प्रकार घडला. पवार यांच्या पुतण्यावरही तलवारीने वार करण्यात आले. या हल्ल्यात तोही गंभीर जखमी झाला आहे.

या घटनेचे कारण अजून समजू शकले नाही.

"न्यू फलटण'चा आदर्श इतर कारखान्यांनी घ्यावा - पृथ्वीराज चव्हाण

साखरवाडी, ता. १९ - न्यू फलटण शुगर वर्क्‍स कामगार, शेतकऱ्यांच्या मदतीने गाळपास सज्ज झाला असून, हा आदर्श इतर कारखान्यांनी स्वीकारावा, असे आवाहन पंतप्रधान कार्यालय राज्यमंत्री पृथ्वीराज चव्हाण यांनी केले.येथील न्यू फलटण शुगर वर्क्‍सच्या ७६ व्या गळीत हंगाम प्रारंभप्रसंगी श्री. चव्हाण बोलत होते. अध्यक्षस्थानी कॉंग्रेसचे प्रदेश उपाध्यक्ष हिंदूराव नाईक - निंबाळकर होते. या वेळी कृष्णा खोरे विकास महामंडळाचे उपाध्यक्ष आनंदराव पाटील, उद्योगपती माधवराव आपटे, विक्रम आपटे, महाराष्ट्र राज्य कामगार प्रतिनिधी परिषद मंडळाचे अध्यक्ष बी. आर. पाटील, जिल्हा परिषदेचे सदस्य अविनाश धायगुडे, विजयसिंह भोसले, धोंडिराम वाघमारे आदी मान्यवर उपस्थित होते. श्री. चव्हाण म्हणाले, ""लहान कारखान्यांना मोठ्या कारखान्यांशी स्पर्धा करणे अवघड आहे. जुन्या छोट्या कारखान्यांना महाराष्ट्र शासनाने विशेष सवलती दिल्या पाहिजेत. "न्यू फलटण'ने शेतकरी, कामगार एकत्र येऊन एखादी संस्था चालवू शकतात याचे उत्तम उदाहरण घालून दिले आहे.''

प्रल्हादराव साळुंखे- पाटील म्हणाले, ""क्षमतेने लहान, जुनी मशिनरी असलेला कारखाना शासन व बॅंकेच्या कोणत्याही मदतीशिवाय कामगार, शेतकरी व्यवस्थापकांच्या मदतीने चालवण्यात आम्ही यशस्वी झालो आहोत. येत्या गळीत हंगामातही तो यशस्वी चालवण्याचा निर्धार आम्ही केला आहे. त्यात निश्‍चित यश मिळेल. नीरा खोऱ्यातील इतर मोठ्या कारखान्यांप्रमाणे किंवा शासनाने ठरवून दिलेल्याप्रमाणे पहिला हप्ता देण्याची तयारी आहे.'' कारखान्याला अबकारी करातून राज्य सरकारकडून सवलत मिळावी, अशी मागणी या वेळी त्यांनी मंत्री चव्हाण यांच्याकडे केली.

या वेळी अध्यक्ष हंबीरराव भोसले, संचालक श्‍यामराव भोसले, बाबूराव काकडे, राजेंद्र शेलार, लोणंदच्या सरपंच सौ. डोईफोडे, कारखान्यातील अधिकारी, कामगार, शेतकरी आदी उपस्थित होते.

श्रीराम साखर कारखान्याला पुन्हा उर्जितावसस्था

सविस्तर वृत्त -

येथे पहा

पावसानेही दिला "धक्का'!

सातारा, ता। ३० - जिल्ह्याच्या पश्‍चिम भागात रात्री झालेल्या भूकंपानंतर पावसानेही उघडीप देऊन जिल्ह्यातील जनतेला "हादरा' दिला आहे। पश्‍चिमेकडील तालुक्‍यांत पावसाचा जोर मंदावला असून, पूर्वेकडील तालुके अद्यापही कोरडेच आहेत।

शहर परिसरात आज दिवसभर पावसाने पूर्णपणे उघडीप दिली होती। दरम्यान, फलटण तालुक्‍यातील ६८, तर खंडाळा तालुक्‍यातील पाच गावे पन्नास पैशापेक्षा कमी पैसेवारी असल्याने टंचाईग्रस्त घोषित करण्यात आली आहेत। महिनाभराच्या विश्रांतीनंतर पावसाने पुन्हा सुरवात केली. त्यामुळे शेतकऱ्यांसह सर्वांच्याच चेहऱ्यावर समाधानाचे वातावरण होते. गेली दोन- चार दिवस पावसाने चांगलाच जोर धरला होता. पश्‍चिमेकडील भागात विक्रमी स्वरूपाचा पाऊस झाला. मुख्य धरणांच्या पाणी पातळीत मोठ्या प्रमाणात वाढ झाली. खरीप पिकांनाही जीवदान मिळाले. पावसाविना कुचंबलेल्या पिकांना पुन्हा उभारी मिळाली आहे. त्यामुळे शेतकऱ्यांच्या आशा पल्लवित झाल्या होत्या. दरम्यान, मंगळवारी मध्यरात्री झालेल्या चार रिश्‍टर स्केलच्या भूकंपानंतर पावसाने दडी मारली आहे. पश्‍चिमेकडील तालुक्‍यातील पावसाचा जोर मंदावला आहे. शहर परिसरात आज दिवसभर पावसाने पूर्ण उघडीप दिली. अधूनमधून सूर्यदर्शनही होत होते. जिल्ह्याच्या पूर्वेकडील खटाव, माण, फलटण व खंडाळा हे तालुके अद्याप कोरडेच आहेत. फलटण तालुक्‍यातील ६८, तर खंडाळा तालुक्‍यातील पाच गावे पन्नास पैशापेक्षा कमी पैसेवारी असल्याने टंचाईग्रस्त घोषित करण्यात आल्याची माहिती जिल्हाधिकारी विकास देशमुख यांनी दिली आहे. सकाळी आठ वाजता नोंद झालेल्या पावसाची आकडेवारी मिलिमीटरमध्ये पुढीलप्रमाणे ः महाबळेश्‍वर- ७७.६, नवजा- ६०, कोयनानगर- १०६, पाटण- २१, कऱ्हाड- ३.४, जावळी- २२, वाई- तीन, सातारा- १५, कोरेगाव- २.९, खंडाळा- दोन, माण, खटाव, फलटण- पाऊस नोंद नाही.

----------------------------------------
धरणांतील पाणीसाठा (टीएमसीत) (कंसात भरल्याची टक्केवारी)
कोयना- ५८।२ (५५)
धोम- ६।२० (३८)
कण्हेर- ३।७० (३३।९९)
उरमोडी- १।६० (१३)
धोम- बलकवडी १।८० (४२)
----------------------------------------

ज्ञानेश्‍वरांच्या पालखीचे आज जील्ह्यात आगमन

ज्ञानेश्‍वरांच्या पालखीचे आज जील्ह्यात आगमन

ता. २ - श्री संत ज्ञानेश्‍वर महाराजांच्या पालखी सोहळ्याचे उद्या दुपारी पाडेगाव (ता. खंडाळा) येथे जिल्ह्यात आगमन होत आहे.पालखी सोहळ्याचा लोणंद येथे अडीच दिवसांचा मुक्काम आहे. सोहळ्यातील वारकऱ्यांना सर्व सुविधा पुरविण्याच्या दृष्टीने जिल्ह्याच्या वतीने जोरदार तयारी करण्यात आली असून, लोणंदनगरी पालखी सोहळ्याच्या स्वागतासाठी पूर्णपणे सजली आहे.पंढरपूरकडे निघालेला पालखी सोहळा उद्या नीरा येथे दुपारचा विसावा घेतल्यावर व माऊलींच्या पादुकांना नीरा नदीत गंगास्नान घातल्यावर दुपारी तीन वाजता पाडेगाव येथे जिल्ह्यात प्रवेश करणार आहे. स्वागतासाठी जिल्ह्याचे पालकमंत्री रामराजे नाईक- निंबाळकर, खासदार लक्ष्मणराव पाटील, खासदार श्रीनिवास पाटील, आमदार शिवेंद्रसिंहराजे भोसले, आमदार शशिकांत शिंदे, आमदार मदन भोसले, जिल्हा परिषदेच्या अध्यक्षा भाग्यश्री भाग्यवंत, उपाध्यक्ष नितीन भरगुडे-पाटील, जिल्हाधिकारी विकास देशमुख, जिल्हा पोलिस अधीक्षक प्रकाश मुत्याल, जिल्हा परिषदेचे मुख्य कार्यकारी अधिकारी संभाजीराव कडू-पाटील आदी अधिकारी उपस्थित राहणार आहेत.पाडेगाव येथे जिल्हा परिषदेच्या वतीने उभारण्यात आलेल्या स्वागत कमानीला पुष्पहार घालून सजविण्यात आले आहे.लोणंदचा उद्या आठवड्याचा बाजार आहे. पालखी सोहळ्याच्या पार्श्‍वभूमीवर उद्याचा बाजार गोठेमाळ येथे भरणार आहे.---------------------------------------------------------संपर्कासाठी दूरध्वनीलोणंद ग्रामपंचायत- ०२१६९-२२५२५०उपसरपंच राहुल घाडगे- ९४२२०३९९६८लोणंद पोलिस ठाणे- ०२१६९-२२५०३३सहायक पोलिस निरीक्षक नवनाथ घोगरे- ९४२१२०९५४५लोणंद प्राथमिक आरोग्य केंद्र- २२५३७३डॉ. एस. वाय. सरोदे- ९८९००९२३४४---------------------------------------------------------

दहावी परीक्षेत फलटण केंद्राचा ८२.६४ टक्के निकाल

http://www.pudhari.com/SataraGraminDetailNews.aspx?news_id=५९३१३

फलटणमध्ये तणाव

निंभोरे, ता. २२ - छत्रपती शिवाजी महाराज व डॉ. बाबासाहेब आंबेडकर यांच्या पुतळ्यांची विटंबना झाल्याचे निदर्शनास येताच फलटण शहरात आज तणावाचे वातावरण निर्माण झाले. संतप्त जमावाने दगडफेक केली. सुमारे पंधरा एसटी बस फोडल्या. शहरात उत्स्फूर्तपणे बंद पाळण्यात आला. दुपारनंतर तणाव निवळला; पण तत्पूर्वी अनेकांची गैरसोय झाली.

एसटीवर दगडफेक सुरू झाल्याने काही काळ एसटी वाहतूक बंद ठेवण्यात आली. रविवारी बाजारचा दिवस असल्याने प्रवाशांचे मोठे हाल झाले. एसटीवरील दगडफेकीत तीन प्रवासी किरकोळ जखमी झाले. पोलिस बंदोबस्तात वाढ करण्यात आल्यानंतर दुपारी १२ नंतर वाहतूक सुरळीत सुरू झाली.

रविवारचा दिवस असल्याने या घटनेमुळे आठवडा बाजार पूर्णपणे विस्कळित झाला. दुकानदारांनी उत्स्फूर्तपणे दुकाने बंद ठेवली होती. उमाजी नाईक पुतळ्याजवळ बसलेल्या भाजीविक्रेत्यांना हुसकावून लावण्याचा प्रकार घडला. त्याठिकाणी पोलिस वेळीच पोचले. या घटनेचे पडसाद तरडगाव व वाठार स्टेशन येथे उमटले. तरडगाव येथे रिपब्लिकन पक्षाच्या कार्यकर्त्यांनी महाड- पंढरपूर रस्त्यावर अर्धा तास "रास्ता रोको' केला. या आंदोलनामुळे दोन्ही बाजूकडे वाहने मोठ्या प्रमाणावर खोळंबली होती. विटंबनेचे वृत्त पसरताच सर्वपक्षीय नेते व कार्यकर्ते जमावाने फलटणमधील शिवाजी महाराज, डॉ. बाबासाहेब आंबेडकर चौकात जमा झाले. घटनेचा तीव्र निषेध करून समाजकंटकांना अटक करण्याची मागणी केली. त्याचबरोबर शहरात सुव्यवस्था राखण्याचे आवाहन केले.

तहसीलदार हिम्मतराव खराडे, पोलिस उपअधीक्षक वसंतराव जाधव, पोलिस निरीक्षक अनिल कदम फौजफाट्यासह आंबेडकर चौकात आले. नगराध्यक्षा नंदा अहिवळे, उपाध्यक्ष सुनील मठपती, शिवसेनेचे तालुकाप्रमुख ऍड. नरसिंह निकम, शहर प्रमुख प्रशांत बावळे, नागेशराव भोसले पाटील, समता परिषदेचे दशरथ फुले, दलितमित्र बेबीताई कांबळे, मोहनराव काटकर (गुरुजी), अशोकराव भोसले, अमीरखान मेटकरी, मनसेचे युवराज शिंदे, विराज खराडे, रिपब्लिकन पक्षाचे तालुकाध्यक्ष मुन्ना शेख, शहराध्यक्ष गणेश अहिवळे, बी. टी. जावळे (गुरुजी), संजय निकाळजे, विजय येवले यांच्यासह असंख्य कार्यकर्ते जमा झाले. या सर्वांनी या घटनेचा निषेध करून समाजकंटकांना अटक करण्याची मागणी केली. शहरातील पुतळ्याच्या संरक्षणाकरता उपाययोजना करावी, अशी मागणीही या वेळी करण्यात आली.

पोलिस उपअधीक्षक वसंतराव जाधव यांनी समाजकंटकांचा त्वरेने शोध घेण्याची ग्वाही दिली. त्याचबरोबर रात्री आठ ते सकाळी सहा वाजेपर्यंत प्रत्येक पुतळ्याला पोलिस संरक्षण देण्यात येईल, असे सांगितले. डॉ. बाबासाहेब आंबेडकर यांच्या पुतळ्यास नगराध्यक्षा सौ. नंदा अहिवळे, वसंतराव जाधव, बेबीताई कांबळे, दशरथ फुले आदींनी पुष्पहार अर्पण केले. बौद्ध प्रार्थनेनंतर सर्व जमाव छत्रपती शिवाजी महाराजांच्या पुतळ्यास पुष्पहार अर्पण करण्यासाठी गेला. शिवसेनेचे तालुकाध्यक्ष ऍड. नरसिंह निकम, नागेशराव भोसले- पाटील, प्रशासनातील अधिकाऱ्यांनी पुष्पहार अर्पण केले. वसंतराव जाधव, हिम्मतराव खराडे, नागेशराव भोसले पाटील, अशोकराव भोसले, सुनील मठपती यांनी नागरिकांना शांतता राखून कोणताही बंद न पाळता शहरातील व्यवहार सुरू करण्याचे आवाहन केले. राष्ट्रगीतानंतर येथील जमाव पांगला.

जिल्हाधिकारी विकास देशमुख व जिल्हा पोलिस अधीक्षक प्रकाश मुत्याल यांनी दुपारी एक वाजता फलटणला भेट दिली. परिस्थितीचा आढावा घेऊन शांतता समितीच्या सदस्यांसमवेत बैठक घेतली. शहरात शांतता, सुव्यवस्था राखण्यासाठी त्यांनी आवाहन केले.

फलटणमधील प्रकार दुर्दैवी असून, भीमशक्ती व शिवशक्तीच्या कार्यकर्त्यांमध्ये बुद्धिभेद करण्याचा प्रयत्न काही समाजकंटकांकडून अशा प्रकारे होत आहे. उभय गटाच्या कार्यकर्त्यांनी शांतता राखावी. तणावपूर्ण भूमिकेतून जनतेचेच नुकसान होते. त्यामुळे संयम बाळगणे महत्त्वाचे आहे, अशी प्रतिक्रिया शिवसेनेचे जिल्हाध्यक्ष दीपक पवार यांनी व्यक्त केली.

--------------------------------------------------------
साताऱ्यात पडसाद सातारा - या घटनेचे साताऱ्यातही पडसाद उमटले. भारतीय रिपब्लिकन पक्षाच्या कार्यकर्त्यांनी मुख्य बस स्थानकासमोर "रास्ता रोको' केला. करंजे परिसरात एक एसटी बस फोडण्यात आली. "रास्ता रोको'मुळे पोवई नाका व हुतात्मा स्मारकापर्यंत गाड्यांच्या रांगा लागल्या होत्या. दुपारी अडीचच्या सुमारास करंजे परिसरातील टीसीपीसी कार्यालयासमोर मुंबई- राधानगरी बसच्या काचा फोडण्यात आल्या. दुचाकीवरून आलेल्या चार अनोळखी युवकांनी गाडी थांबवून चालकाला खाली उतरवले आणि नंतर काठीने एसटी बसच्या दोन्ही काचा फोडल्या.
--------------------------------------------------------

Phaltan airport plan cancelled due to increased fuel costs

The government of Maharashtra announced its plan for setting up an airport in Jalgaon, the industrial town of Maharashtra, by 2010. This decision was taken at a tripartite meeting held recently in Mumbai between the state government, Maharashtra Airport Development Corporation (MADC) and Jalgaon district authorities. While various strategies for the technical and financial aspect of the project have been chalked out, the Jalgaon Airport Company Limited, an entity formed by MADC, will soon acquire land for the airport. Jalgaon airport will be built on the lines of the Kochi International Airport. According to the MADC proposal, the airport will require 350 hectares of land with at least 3,200 meters of runway length and 45 meters breadth.

Apart from Jalgaon, MADC is also planning to develop domestic airports at Solapur, Shirdi and an international airport in Pune. Initially, the government had drawn a map for constructing at least seven new airports across the state. However, with most airlines cutting capacity due to increased fuel costs, the state has been forced to roll back plans for airports at Phaltan, Dhule, Karad and Chandrapur.

रुग्णांना संजिवनी देणारे - निकोप हॉस्पिटल

राजे गटाला सर्व जागा (फलटण कृषी उत्पन्न बाजार समिती निवडणूक)

राजे गटाला सर्व जागाफलटण, ता. ९ - फलटण कृषी उत्पन्न बाजार समितीच्या सर्व जागा पालकमंत्री रामराजे नाईक निंबाळकर आणि संजीवराजे नाईक निंबाळकर यांच्या नेतृत्वाखालील राजे गटाने मताधिक्‍याने जिंकल्या आहेत. .....चिमणराव कदम यांच्या नेतृत्वाखालील शेतकरी पॅनेलला पुन्हा पराभवाला सामोरे जावे लागले. रामराजे आणि संजीवराजे यांच्या वर्चस्वामुळे विरोधकांना एकही जागा मिळू शकली नाही. बाजार समितीच्या १९ जागांपैकी व्यापारी मतदारसंघातून राजकुमार सूर्यकांत मेहता आणि शशिकांत मोतीलाल दोशी हे दोन्हीही उमेदवार बिनविरोध निवडून आले आहेत, तर पणन मतदारसंघातून सुभाषराव धुमाळ यांची निवड बिनविरोध झाली आहे. हे तीनही उमेदवार राजे गटाचेच आहेत. उर्वरित १६ जागांसाठी काल निवडणूक झाली. आज सकाळी आठ वाजल्यापासून मतमोजणीला सुरवात झाली. दुपारपर्यंत सर्व जागांचे निकाल घोषित झाले. विजयी उमेदवार व त्यांना मिळालेली मते पुढीलप्रमाणे ः सहकारी संस्था मतदारसंघ - तानाजी धुमाळ (१००१), रघुनाथराजे नाईक निंबाळकर (१०५६), शिवरूपराजे खर्डेकर (१०४७), विनायकराव पाटील (१०३५), शिवाजीराव यादव (१०२२), संतोष शिंदे (१०३६), सिराज शेख (१०३१) इतर मागास वर्ग- तुळशीराम शिंदे (१०८२) अनुसूचित जाती जमाती- नंदकुमार सोनवलकर (१०७२) महिला राखीव- कमल लंगुटे (१०७२), लता सूळ (१००८) ग्रामपंचायत मतदारसंघ- मोहन निंबाळकर (६८७), धनंजय साळुंखे (६४५) अनुसूचित जाती जमाती- राजेंद्र काकडे (७२८) आर्थिक दुर्बल- विजय मदने (७२९) आणि हमाल व मापाडी मतदारसंघातून- बापू हरी करे ६१ मते मिळवून विजयी झाले आहेत. .............. सहकारावरील पगडा पक्का श्रीराम कारखान्याच्या निवडणुकीनंतर लगेचच कृषी उत्पन्न बाजार समितीच्या निवडणुका जाहीर झाल्याने विरोधकांनी चांगलीच उचल खाल्ली होती. कारखान्याच्या निवडणुकीत चिमणराव कदम यांच्या नेतृत्वाखालील शेतकरी पॅनेलच्या उमेदवारांना झालेल्या मतदानाच्या ४० टक्‍के मते पडल्यामुळे या वेळी विरोधकांचा उत्साह बऱ्यापैकी होता; पण त्यांची डाळ शिजली नाही. राजे गटाचा सहकार क्षेत्रावरील पगडा पक्‍का असल्याचे या निकालावरून मानण्यात येते.

Link to Original document - http://www.esakal.com/esakal/05102008/Satara752CEAB58B.htm

Maharashtra upbeat on airports - Phaltan Airport Development

Maharashtra upbeat on airports : Pragnya Pandey

The Maharashtra civil aviation department is focusing on land acquisition as the key to its major aviation infrastructure development programme in the state. Currently, Maharashtra has 23 airports and airstrips out of which 15 are owned by the state government.According to Sanjay Ubale, Secretary (Civil Aviation) Maharashtra, the government was in talks with farmers and other industry associations for land acquisition in the state. "The main idea is to involve the farmers and associations as shareholders in future projects, and make them pool in land for airport and real estate development," he said.The move is significant since land acquisition is, perhaps, the biggest hurdle for any airport development project. In Maharashtra itself, inability to acquire land is impeding the Mumbai international airport modernisation project. The private developer - a consortium led by the GVK Group - has not been able to acquire even an inch of land ever since the airport was handed over in late 2006.Airport development in Maharashtra is making good progress given that the state civil aviation department has already earmarked about 5,500 acres of land, out of which 70 per cent is in possession. Consultants have been sought for advising on the remaining endeavour. The recent move of involving landowners as shareholders might only expedite the land acquisition process, it is felt.With Maharashtra Airport Development Company as the nodal agency, the state has planned to development airports in seven cities - Shirdi, Solapur, Phaltan, Dhulia, Karad, Jalgaon and Chandrapur - through private sector participation. While the Shirdi airport will be a greenfield one, the other involves upgrade of existing airstrips into full-fledged airports with scheduled flight operations.Maharashtra Industrial Development Corporation has been entrusted with the task of developing an international airport in Pune, once again with private sector participation. MIDC and Airports Authority of India will be minority partners with 13 per cent equity stake each in the project. Pre-project work is also progressing on the greenfield Navi Mumbai airport with City & Industrial Development Corporation of Maharashtra (Cidco) being the nodal agency. To be developed with a completion cost of Rs 10,000 crore on a 1,140 hectare plot near Panvel, the airport project will adopt the public-private partnership route.These international airports are expected to decongest Mumbai International Airport that is feared to reach saturation in 2013. By 2010, the airport is expected to handle 40 million passengers as against 22.24 million handled in 2006-07. Studies have indicated that passenger traffic in Mumbai would reach 27.5 million by 2010, moving further to 40 million by 2015.[Progress of Amritsar Airport: Section page Trasport; Decentralising airport projects: Section page Edit]
[January 28 - February 3, 2008]


Link to original document : http://www.projectsmonitor.com/detailnews.asp?newsid=15353

"राष्ट्रवादी'ला झटका "किसन वीर' मदन भोसलेंकडेच!

सातारा, ता. १ - किसन वीर सातारा सहकारी साखर कारखान्याच्या निवडणुकीत आमदार मदन भोसले यांच्या शेतकरी विकास पॅनेलने २१ जागा जिंकून निर्विवाद वर्चस्व मिळविले. ....
विरोधी राष्ट्रवादी पुरस्कृत सहकार पॅनेलला एका जागेवर समाधान मानावे लागले. पहिल्यापासूनच शेतकरी पॅनेलच्या उमेदवारांनी चार हजार मतांची आघाडी घेऊन विजयावर शिक्कामोर्तब केला. सभासदांनी आमदार मदन भोसले व संचालक मंडळाच्या कार्यावर विश्‍वास दाखवत सत्ता त्यांच्याच ताब्यात सुपूर्द केली.

पहिल्यापासून चुरशीच्या ठरलेल्या या निवडणुकीच्या निकालासाठी आज वाई येथील औद्योगिक वसाहतीतील श्रीनिवास मंगल कार्यालयात मतमोजणी झाली. सकाळी साडेआठ वाजता मतपत्रिकांची गटनिहाय विभागणी करून २५ चे गठ्ठे करण्यात आले. दुपारी साडेबारा वाजता मतमोजणीस सुरवात झाली. प्रथम राखीव मतदारसंघाची मतमोजणी घेण्यात आली. पहिला निकाल एकच्या दरम्यान जाहीर झाला. यामध्ये सत्तारूढ गटाच्या शेतकरी विकास पॅनेलचे अनुसूचित जाती-जमाती मतदारसंघातील उमेदवार गणपत खंकाळ विजयी झाले. त्यांनी त्यांचे प्रतिस्पर्धी संजय कांबळे यांचा ३,९८३ मताधिक्‍याने पराभव केला. निकाल जाहीर होताच मतमोजणी केंद्राबाहेर उपस्थित शेतकरी विकास पॅनेलच्या कार्यकर्त्यांनी जल्लोषास सुरवात केली. आमदार मदन भोसलेंच्या नावाच्या विजयाच्या घोषणा देण्यात आल्या. त्यानंतर दुसरा निकाल सोसायटी मतदारसंघाचा जाहीर झाला. त्यामध्ये सहकार पॅनेलचे रतनसिंह शिंदे विजयी झाले. त्यांनी त्यांचे प्रतिस्पर्धी मानसिंग शिंगटे यांचा ७५ मतांनी पराभव केला. त्यानंतर विमुक्त जाती, भटक्‍या जमाती मतदारसंघातील निकाल जाहीर झाला. त्यामध्ये शेतकरी पॅनेलचे चंद्रकांत काळे यांनी त्यांचे प्रतिस्पर्धी हणमंतराव चवरे यांचा ४१९० मताधिक्‍याने पराभव केला. इतर मागास प्रवर्गातील शेतकरी पॅनेलचे लालसिंग जमदाडे विजयी झाले. त्यांनी त्यांचे प्रतिस्पर्धी सहकार पॅनेलचे अमर जमदाडे यांचा चार हजार २५ मताधिक्‍याने पराभव केला.

आर्थिक दुर्बल घटक प्रवर्गातील शेतकरी पॅनेलचे नंदकुमार निकम विजयी झाले. त्यांनी त्यांचे प्रतिस्पर्धी सुधीर कदम यांचा चार हजार ९२ मतांनी पराभव केला. त्यानंतर महिला राखीव मतदार संघाची मतमोजणी झाली. त्यामध्ये शेतकरी पॅनेलच्या सौ. सुनंदा चव्हाण व रंजना फाळके विजयी झाल्या. सायंकाळी सहानंतर ऊस उत्पादक सभासद मतदारसंघाची मतमोजणी सुरू झाली. त्यामुळे कार्यकर्त्यांचा उत्साह अधिकच ताणला होता. सुरवातीला कोरेगाव व सातारा गटाची मतमोजणी घेण्यात आली. पहिल्या निकालाप्रमाणेच या गटांच्या निकालातही शेतकरी विकास पॅनेलचे उमेदवार विजयी ठरले. कोरेगावमधून प्रभाकर बर्गे, किसन कदम आणि घनश्‍याम साळुंखे हे शेतकरी पॅनेलचे उमेदवार विजयी झाले. सातारा गटातून विद्यमान संचालक चंद्रकांत इंगवले, बाबासाहेब कदम, आनंदराव जाधव हे विजयी झाले. त्यानंतर वाई-बावधन-जावळी गटाची मतमोजणी झाली. त्यामध्ये शेतकरी पॅनेलचे शिवाजी गायकवाड, रोहिदास पिसाळ आणि अशोक मोरे विजयी झाले. भुईंज गटातून विद्यमान संचालक नारायण पवार, विद्यमान अध्यक्ष मदन भोसले, उपाध्यक्ष गजानन बाबर विजयी झाले. सर्वांत शेवटी कवठे-खंडाळा गटाची मोजणी झाली. त्यात खासदार लक्ष्मणराव पाटील यांचे चिरंजीव आणि पॅनेलप्रमुख मकरंद पाटील यांना पराभवाचा धक्का बसला. या गटातील हणमंत पिसाळ, संदीप पोळ आणि सुभाष साळुंखे हे शेतकरी पॅनेलचे उमेदवार विजयी झाले. निकाल जाहीर होताच सातारा व कोरेगाव तालुक्‍यांत कार्यकर्त्यांनी जल्लोष केला. कोरेगावात विजयी मिरवणूक काढण्यात आली.

.................................................
प्रमुख पराभूत
मकरंद पाटील, अरविंद कदम, अरुण माने, हंबीरराव जाधव, अविनाश धायगुडे पाटील, दौलतराव साळुंखे, शशिकांत पिसाळ, राजेंद्र शिंदे

.................................................
प्रमुख विजयी
मदन भोसले, गजानन बाबर, नारायण पवार, प्रभाकर बर्गे, बाबासाहेब कदम, आनंदराव जाधव, चंद्रकांत इंगवले, हणमंतराव पिसाळ, सौ. सुनंदा चव्हाण, घनश्‍याम साळुंखे
.................................................

ज्वारीची काढणी अंतिम टप्प्यात

आसू, ता. २६ - फलटणच्या पूर्व भागातील शेतकरी गहू, हरभरा, ज्वारी आदी पिकांच्या मळणीत व्यस्त आहेत. ज्वारीची मळणी अंतिम टप्प्यात आली असून, गहू- हरभऱ्याच्या मळणीने गती घेतली आहे.पूर्व भागातील आसू, पवारवाडी, गोखळी, राजाळे, शिंदेनगर भागात पावसाने चांगलीच हजेरी लावली. त्यामुळे शेतकऱ्यांचे रब्बी हंगामातील पिकांचे मोठे नुकसान झाले. सुसाट वाऱ्यामुळे कित्येकांचे गव्हाचे पीक भुईसपाट झाले आहे. काढून पडलेल्या हरभरा, गव्हाचे पीक पावसाने भिजल्याने गहू पांढरे पडणे, काळसर होणे, तसेच हरभरा भिजल्याने बेचव होत आहे, तसेच त्याचा ठसठसीतपणा निघून जात असल्याने बाजारपेठेतील याची मागणी कमी होणार असल्याचे शेतकरी सांगतात.

शेतातील उभ्या गव्हाची मळणी शेतकरी सकाळपासून दुपारपर्यंतच्या कडक उन्हात हार्वेस्टरच्या साहाय्याने लगबगीने करत आहेत. गव्हाला यंदा उतारा चांगला असून, एकरी १८ ते २० पोती एवढा उतारा पडत आहे. मळणीसाठी हार्वेस्टर एकरी ८००, तर पोत्याला ७० रुपये दर आहे. ढगाळ हवामानामुळे शेतकऱ्यांच्या सुगीला आसू परिसरातून गती आली आहे.

कंटेनर उलटून तीस लाखांचे नुकसान

फलटण, ता. २५ - पुणे- पंढरपूर मार्गावर नीरा उजवा कालव्यावर असलेल्या राऊ रामोशी पुलाच्या वळणावर सोलापूर आणि सांगली जिल्ह्यांतून द्राक्ष भरून आलेला कंटेनर पलटी झाल्याने तीस लाख रुपयांचे नुकसान झाले. याबाबत अधिक माहिती अशी - तासगाव (जि. सांगली) आणि पंढरपूर परिसरातून अंदाजे १५ टन निर्यातक्षम द्राक्षे व्यापाऱ्यांनी खरेदी करून कंटेनरमध्ये भरली व त्यानंतर कंटेनर संबंधित व्यापारी आणि एजंट यांनी सील केला. रात्री ११ च्या दरम्यान पंढरपूर येथून मुंबईकडे निघालेला कंटेनर (एमएच ०४ बीजी २५९५) रात्री दोन वाजण्याच्या सुमारास फलटणनजीकच्या नीरा उजव्या कालव्यावरील राऊ रामोशी पुलाजवळ आला. मात्र, त्या वेळी रस्त्याचा अंदाज न आल्याने कंटेनर वळण घेताना झोला बसून पलटी झाला. मध्यरात्री घटना घडली असल्याने परिसरातील नागरिकांना व पोलिसांना कंटेनर पलटी झाल्याची माहिती त्वरित समजली नाही. मात्र, या घटनेत जखमी झालेल्या चालकांनी दूरध्वनीद्वारे पोलिसांशी संपर्क साधला. पलटी झालेल्या कंटेनरमधील अंदाजे १५ टन द्राक्षे विविध व्यापाऱ्यांनी खरेदी केलेली असल्यामुळे मुंबईला द्राक्षे घेऊन जाणारा कंटेनर नेमका कोणत्या कंपनीकडे जाणार आहे, हे समजू शकले नाही. या घटनेत कंटेनरचा चालक सल्लाउद्दीन सहा व क्‍लीनर अल्लाउद्दीन सहा हे दोघे भाऊ जखमी झाले जखमींना प्राथमिक उपचारासाठी फलटणच्या शासकीय रुग्णालयात दाखल करण्यात आले आहे. महाड- पंढरपूर रस्त्यावरील फलटणनजीकच्या नीरा उजव्या कालव्यावरील राऊ रामोशी पूल आणि त्याच्या दोन्ही बाजूची काटकोनातील वळणे याठिकाणी नेहमी अपघात होत असतात. गेल्या महिन्यातही सांगोल्याहून अंदाजे तीन लाख रुपये किमतीची डाळिंबे घेऊन जाणारा ट्रक अशाच पद्धतीने पुलाच्या दक्षिणेकडील वळणावर पलटी झाल्याने संबंधित शेतकऱ्यांचे नुकसान झाले होते. संबंधित मार्गावर रात्रंदिवस मोठ्या प्रमाणात सर्व प्रकारची वाहतूक असल्याने पुलावरील कठडे आणि पुलाच्या दोन्ही बाजूंच्या वळणावर बांधकाम विभागाने सुरक्षित कठडे उभारावेत, अशी मागणी वारंवार केली जात आहे. मात्र, त्याकडे संबंधित विभागाकडून दुर्लक्ष होत आहे.

राजकीय छावण्या बंद होणे गरजेचे - चिमणराव कदम

फलटण, ता. २५ - फलटण तालुक्‍यातील राजकीय गटांच्या छावण्या जोपर्यंत बंद होत नाहीत, तोपर्यंत तालुक्‍याचा विकास होणार नसल्याचे कॉंग्रेसचे ज्येष्ठ नेते चिमणराव कदम यांनी सांगितले. श्रीराम सहकारी साखर कारखान्याच्या नुकत्याच झालेल्या निवडणुकीच्या निमित्ताने मतदारांचे आभार मानण्यासाठी महाराजा मंगल कार्यालयात आयोजित केलेल्या मेळाव्यात श्री. कदम बोलत होते. पालकमंत्री आणि श्रीराम कारखान्याच्या सत्तारूढ गटाचे सर्वेसर्वा रामराजे नाईक- निंबाळकर यांचे राजकीय शत्रू म्हणून आपण कारखान्याची निवडणूक लढविली नाही, तर रामराजे यांनी कारखाना नीट चालविला नाही, त्याचबरोबर ऊस उत्पादक शेतकऱ्यांना योग्य प्रकारे न्याय दिला नसल्याने शेतकऱ्यांचे हित डोळ्यांपुढे ठेवून आपण निवडणुकीत उतरलो होतो, असे स्पष्ट करून श्री. कदम म्हणाले, ""शेतकरी कामगार पॅनेलच्या उमेदवारांना पराभवाला सामोरे जावे लागले असले, तरी पराभवाने खचून जाणाऱ्यांपैकी आपण नाही. तालुक्‍यातील चार हजार ऊस उत्पादक शेतकऱ्यांनी आपल्याला मते दिली आहेत. म्हणजे त्यांची आपल्याला साथ आहे.''

तेव्हा मुख्यमंत्री विलासराव देशमुख आणि सहकारमंत्री पतंगराव कदम यांच्याशी चर्चा करून नव्याने खासगी कारखाना उभारण्याबाबत आपण प्रयत्न करणार असल्याचे त्यांनी सांगितले.

कारखान्याच्या निवडणुकीतील उमेदवार निश्‍चितीच्या तोंडावर शेतकऱ्यांशी गद्दारी करून माजी खासदार हिंदूराव नाईक- निंबाळकर, प्रल्हाद साळुंखे- पाटील आणि तेजराज पवार हे तिघेही आपल्या गटातून बाहेर पडले. परिणामी विश्‍वासघात केला. तेव्हा शेतकऱ्यांनी त्यांना माफ करूच नये, असे आवाहनही त्यांनी केले.

मेळाव्यात सुरेश पवार, पोपटराव काकडे, साहेबराव जाधव, ऍड. नरसिंह निकम, डॉ. त्रिपुटे यांची भाषणे झाली. कारखान्याच्या निवडणुकीत सत्तारूढ गटाकडून बोगस मतदान आणि पैशाचा मोठ्या प्रमाणात वापर झाल्याचे काही वक्‍त्यांनी निदर्शनास आणून दिले.

Cummins inks MoU with Government of Maharashtra for mega project at Phaltan

Mumbai: The Government of Maharashtra and Cummins in India have signed a Memorandum of Understanding (MOU) for the expansion of the Cummins Group of Companies’ three major projects, being developed by the Group in Phaltan, located in the Satara district of Maharashtra. Cummins India’s projects have been granted ‘Mega Project’ status by the Government of Maharashtra as the Group will be investing almost Rs. 750 crores in these expansion projects.

The Group’s expansion projects will be set up on the Cummins Megasite, situated in an area classified as ‘D’ zone: a lesser developed area of the State of Maharashtra. Under the terms of the MOU, the Government will offer Cummins India financial incentives as well as assistance and support in establishing their factories in Phaltan.

The Cummins Megasite will be built on 150 acres of land.The MOU was signed today by Shri. V. K. Jairath, Principal Secretary (Industries) and Mr. Anant Talaulicar, Chairman and Managing Director, Cummins India Limited in the presence of Shri. Vilasrao Deshmukh, Chief Minister of Maharashtra, Shri. Ashok Chavan, Minister for Industries, Mr. Johny Joseph, Chief Secretary, Government of Maharashtra and other senior officials of the State Government.Speaking at the function, Mr. Anant Talaulicar said, “The Cummins group in India has been executing an aggressive growth plan involving all our 10 affiliated companies. Operating from a single campus will offer significant synergies to the Cummins companies. This site was chosen based on criteria such as appropriate skills, proximity to suppliers and customers, and the economic situation in the State. Cummins is looking forward to engaging with the local community on skill and infrastructure development which are very consistent with the Company’s core values and will help build the foundation for a long term, rewarding relationship.”

Mr. Talaulicar pointed out that Cummins has always had a cherished history with the State for several decades and that this State has been its home for a long time. The State Government’s proactive support and the encouraging investment climate were the deciding factors in setting up this Megasite at Phaltan.

Cummins to invest Rs 850 cr in Phaltan - Maharashtra

Diesel engine manufacturer Cummins will invest Rs 850 crore to start three plants at Phaltan in Satara district for manufacturing truck and bus engines, diesel and gas gensets and diesel engines.
THE PLAN
A unit for manufacturing B series of bus and truck engines will be established at an investment of Rs 400 crore
A plant for diesel and gas gensets will come up for Rs 250 crore
Cummins’ fully owned subsidiary will start a diesel engine production unit at a cost of Rs 200 crore The memorandum of understanding was signed by Cummins India’s Chairman and Managing Director Anant Talaulicar and Maharashtra’s Industry Secretary VK Jairath. Chief Minister Vilasrao Deshmukh was present at the function.

The unit for manufacturing B series of bus and truck engines will be a joint venture between the Tatas and Cummins to be known as Tata Cummins (TCL). TCL will invest Rs 400 crore in the plant and provide direct and indirect employment to 300 persons. The first engine is expected to be rolled out by the middle of next year.

A plant for diesel and gas gensets is likely to be set up at an investment of Rs 250 crore and will offer jobs to 250 people.

Cummins’ fully owned subsidiary Cummins Turbo Technologies will start a diesel engine production unit at a cost of Rs 200 crore which will provide employment to 200 people.

Speaking to the media, Talaulicar said, “Although the company has a base in Pune, which is not far from Phaltan and where it is very easy to find skilled manpower, it will provide maximum employment to the locals and upgrade the regional ITI”.

Once the company sets up units at Phaltan, many of its vendors will shift base to the area and this will create additional job opportunities for the locals, he added.

Replying to question, he said, “Tatas will be the equity holder and major customer of TCL, while Cummins will be the managing partner”. However, he refused to provide any details about the shareholding pattern.


Original Link - http://www.business-standard.com/common/news_article.php?leftnm=10&bKeyFlag=BO&autono=317011

फलटण कारखाना - "श्रीराम' राजे गटाकडेच

फलटण, ता. १८ - विरोधकांचे सत्तांतराचे मनसुबे धुळीस मिळवीत राजेगटाच्या श्रीराम पॅनेलने श्रीराम कारखान्याची सत्ता पुन्हा अबाधित ठेवली. आज रात्री साडेनऊपर्यंत जाहीर झालेल्या चौदा जागा पालकमंत्री रामराजे नाईक निंबाळकर आणि विद्यमान अध्यक्ष संजीवराजे नाईक निंबाळकर यांच्या नेतृत्वाखालील श्रीराम पॅनेलने जिंकल्या होत्या. यापूर्वी बिनविरोध निवडून आलेले दोन्हीही सदस्य राजेगटाचे असल्याने १६ जागांवर श्रीराम पॅनेलने वर्चस्व मिळविले होते. चिमणराव कदम यांच्या नेतृत्वाखालील शेतकरी कामगार पॅनेलला एकही जागा मिळाली नव्हती. रात्री उशिरापर्यंत मतमोजणी सुरू होती.

कारखान्यासाठी १६ मार्च रोजी मतदान झाले होते. मतमोजणी आज सकाळी आठ वाजल्यापासून कारखान्याच्या कल्याण आणि क्रीडा मंडळाच्या सभागृहात निवडणूक निर्णय अधिकारी सौ. रेश्‍मा माळी आणि सहायक निवडणूक निर्णय अधिकारी कैलास जेबले यांच्या मार्गदर्शनाखाली सुरू झाली. पहिल्या टप्प्यात अनुसूचित जाती-जमाती मतदारसंघाची मतमोजणी झाली. त्यामध्ये श्रीराम पॅनेलचे गणपत नारायण बेंद्रे (५४७५ मते) यांनी आपले विरोधक वसंत आवबा रणदिवे (३८८०मते ) यांच्यावर १५९५ मतांनी मात केली. विमुक्‍त जाती व भटक्‍या जमाती मतदार संघात बाळासाहेब भानुदास खटके (५५१२) यांनी आपले प्रतिस्पर्धी भगवान हरी खुरंगे (३८३९) यांचा १६८३ मतांनी पराभव केला. महिला प्रतिनिधी मतदारसंघातील दोन जागांसाठी तीन महिला उमेदवार होत्या. त्यापैकी राजेगटाच्या श्रीराम पॅनेलमधील सौ. सुरेखादेवी कृष्णराव कदम (५३७५) आणि सौ. जिजाबाई भिवा पोकळे (५४४०) या दोघी विजयी झाल्या.

इतर मागासवर्ग मतदारसंघात विरोधी गटाचे ऍड. साहेबराव सखाराम जाधव (४१२०) यांचा डॉ. बाळासाहेब पंढरीनाथ शेंडे (५२५४) यांनी ११३४ मतांनी पराभव केला. सर्वसाधारण "अ' गट मतदारसंघापैकी होळ-गिरवी गटातून सत्तारूढ गटाचे संपतराव नामदेवराव कदम (५२७६) वसंतराव मारुतराव गायकवाड (५२१६) आणि नितीन शाहूराजे भोसले (५२४६) या तिघांनीही आपल्या विरोधकांचा पराभव केला. जिंती राजाळे गटातून सत्तारूढ गटाचे परशुराम रामचंद्र तावरे (५५२५), शरद विश्‍वासराव रणवरे (५२६१) आणि रामचंद्र बापूराव सोडमिसे (५२२६) विजयी झाले.

मतमोजणी सुरू झाल्यानंतर कारखाना परिसराला यात्रेचे स्वरूप आले होते. विजयी उमेदवारांची नावे जाहीर होताच त्यांचे समर्थक आणि कार्यकर्ते गुलालाची मोठ्या प्रमाणात उधळण करीत विजयाचा आनंद मिळवीत होते.

श्रीराम कारखान्याच्या निवडणुकीतील संचालकांची संख्या २२ होती. त्यापैकी "ब' वर्ग सामान्य किंवा बिगर उत्पादक सभासद मतदारसंघातून सुखदेव महादेव बेलदार यांची आणि आर्थिकदृष्ट्या दुर्बल घटक प्रतिनिधी मतदारसंघातून चंद्रकांत दत्ताजीराव पवार यांची बिनविरोध निवड झाली आहे. आतापर्यंतच्या परिस्थितीवरून २२ पैकी १३ जागेवर राजेगटाने निर्विवाद वर्चस्व मिळविल्याचे सिद्ध झाले आहे. जाहीर निकालामध्ये विरोधकांना एकाही जागेवर विजय मिळविता आलेला नव्हता