फलटणमध्ये भर बाजारपेठेत तलवारीने वार करुन एकाची हत्या

फलटण- शहरातील बाजारपेठेत बुधवारी (ता. २२) सकाळी ११ च्या सुमारास सुरेश पवार (वय ४९) या खजूर विक्रेत्याचा तलवारीने वार करून खून झाल्याने खळबळ माजली.

या घटनेनंतर शहरातील बाजारपेठ बंद करण्यात आली. नेहमीप्रमाणे सर्व व्यवहार सुरळीत सुरू असताना शहरातील शिवाजी पुतळ्याजवळील हॉटेल अतिथीसमोरील रस्त्यावर हा प्रकार घडला. पवार यांच्या पुतण्यावरही तलवारीने वार करण्यात आले. या हल्ल्यात तोही गंभीर जखमी झाला आहे.

या घटनेचे कारण अजून समजू शकले नाही.